Lied

„Lo goh“ von Jürg K. Spielmann

Lo goh

S'git e Wisheit es Wort us alter Zit
Furtgo isch nus eint
verlüre so viel
verschmerze ganz still
und schwärer als mer meint
wil Abschied isch immer au Sterbe'n'echli
als wörfi sin Schatte de Tod
und das Losla tuet weh
doch es chunt jo no meh
ach wie nöch binenand Glück und Not

Refrain:
Lo goh lo goh
und flüsse lo
gwüss Gott de Läbesfluss
lo goo lo goh
und nöd blibe stoh
vom Afang bis am Schluss
vom Afang bis am Schluss

Alls was gsi isch isch gsi und längst verbi
furt uf und devo
drum trurem nöd no
muesch’s eifach lo go
s'isch s'Läbe, s'goht allne'n'eso
Doch eis ghört zum Abschied vergiss es nu nie
was du gschafft häsch bisch nöd du allei
viel händ ghulfe'n'e'dir
drum säg danke defür
für guets glinge bruchts mindestens zwei

Refrain

Jo Lo Goh und Verlo liechter gseit als gmacht
Schöns dra hanged viel
nei das wot me nöd ge
lot sich's nöd gern lo neh
hebets fescht mögi cho was will
so nimm eifach di gueti Erinnrige mit
di sind dir und kein Abschied cha's neh
aber Zit blibt nöd stoh
magsch jo chum hineno
doch so viel wo dir s'Neui cha ge

Refrain


© Jürg K. Spielmann